KRI-SI-MAS

“Lal leh Chhandamtu pian lawm nan kohhran vantlang inkhawm nei tur,” tia puang hmasatu chu Rome Bishop pahnihna Telesphorus (125-146AD) a ni. AD 320-ah Pope Julius I leh sakhaw hruaitu dangten Dec ni 25 chu Isua pian lawm ni atan an lo ruat nghet ta a ni.

Krismas-a eng chhit hi a tirah chuan sakhaw thil urhsun a ni. Tihduhdahna avangin Kristiante chu ualau takin an inkhawm thei lo va, a rukin anmahni inah ‘Mass’ (chhung inkhawm ti mai ang) an nei thin a. Tukverha sathau khawnvar pakhat an chhit en chuan chumi zanah chuan ‘Mass’ an nei dawn tih entirna a ni. Chu ‘eng’ chu tunah chuan, a hlutzia pawh ngaihtuah lovin kan chhi ta chuah chuah mai a ni.

Krismas season tia an sawi thin chu urlawk zan (Dec 24) ni tl^k atanga January ni 5 ni tlak inkar hi a ni. Hemi hun chhung hi Krismas Ni Sawm Pahnih (Twelve Days of Christmas) an ti thin a ni.

Chhinchhiah theih china Krismas Carol hlabu hmasa ber chu 1521 ami a ni a, saptawnga ziak a ni.

1647-ah English parliament chuan Krismas-a hlimhlawp siam chu dan hmangin a khap a. A sultutu chu Puritan mi Oliver Cromwell-a kha a ni a. Krismas chu inserh thianghlim hun a nih laia, ruai theha hlimhlawp siam chu suala ngaih a ni. Puritan ho tl^k kum, 1660-ah he dan hi an hlip leh chauh a ni.

British sipaihovin Krimas zanriah an kilho hian, officer hoten sipai narante chu an suahsak (serve) thin. Hei hi hmanlai atanga an lo tih thin a ni.

1752-ah, Julian calendar aiah Gregorian calendar hman a lo nih khan, kum khatah ni 11 lai paih a lo ni ta a. A hmaa December ni 25 kha January ni 7 a lo ni ta a. Chuvangin, mi thenkhat chuan January ni 7-ah Krismas an la lawm a ni.

Card siamtu company lar tak Hallmark hian an company din atanga kum nga-na, 1915 atangin Krismas Card an siam tan.

Krismas cheina rawng (colour) langsar ber pahnih chu rawng sen leh rawng hring a ni a, a chawhpawlhtu rawng dangte chu tangkarua (silver) leh rangkachak rawng a ni.

US President Theodore Roosevelt-a khan thing tihchereu a do avangin White House-a a chen chhung zawngin, Krismas Tree l^kluh a phal lo va, mahse a faten a rukin an la lut tho!

Charity Krismas card hmasa ber chu 1949-ah UNICEF-in hmeichhe naupang kum 7 mi lemziak hmangin an chhuah. A ziaktu chu Czechoslovakia khaw pakhat Rudolfo khuaa mi, Jitka Samkova a ni a. A milem ziak chu hlimna vir kual zel (joy going round and round) tih a ni a. Heta tang hian naupang vanduaite lemziak hmanga Krismas charity card buatsaih hi an lo ching tan ta a ni.

Christmas Carol tih thawnthu lar tak ziaktu chu Charles Dickens a ni. White Christmas tih hla chu Krismas single album hralh tam ber record a la ni.

Communist kharkhip Eastern Europe ramte chuan kum 10 zet ualau taka Krismas an lawm theih loh hnuah, 1989 Krismas Ni ah khan, zalen takin Krismas an lawm. An history-a a vawikhatna atan kohhran inkhawm programme te chu an ‘live’ bawk a ni.

Ukranian ho chuan urlawk tlaiah hian chhungkaw ei tur danglam bik, chhawng 12 indawta ei turin an buatsaih thin a. Zirtir 12-te hriatrengna ruai a ni. An zinga naupang berin vana ‘evening star’ a hmuh veleh zanriah an eiho thin a ni.

995-a an survey in a lantir danin British ho ui vulh 10-a 7 chuan a vultute hnen atangin Krismas present an dawng thin.

1997-a Princess Diana thih hnu khan, a puala Ty Toy company teddy bear siam chu, Krismas laia naupang lawm hralh chak pawl tak a ni thut a. Thenkhat chuan dollar 300 laiin an lei ngam thin.

Galup Poll (2000) in a tarlan danin US puitling 60% chuan Krismas thilpek atan Dollar 500 (Rs 20,000) aia tlem lo an hmang. Krismas bazar vanglai chuan, US-ah minute khat chhungin bank account hawnna card 5,340 mipuiin an chelek hman a ni. Krismas Card mtd 3 aia tam kum tinin an thawn thin bawk.

Greek ho chuan Krismas laiin thilpek an inpe ngai lo. Hemi hunah hian thlarau sual hnawt turin puithiamin luiah kros lem a theh thla a. In tinah kal kualin tui thianghlim a theh thin.

Christmas Island pahnih a awm. Pacific Ocean ami (Kiritimati) leh Indian Ocean ami (Sq km 52) te an ni.

US chhungkaw mtd 37.1 in kum tinin Krismas Tree tak an lei ziah. Chung zinga 25% chuan “mahnia inl^k chawp theih’ farm atanga an lei a ni.